Friday, March 3, 2017

[Fiksi] Story Blog Tour: Happy Ending?

Halo semuanya~ Setelah membiarkan blog ini berdebu sekian lama,kali ini Ru dapet giliran untuk melanjutkan sekaligus mengakhiri Story Blog Tour garapan member One Week One Paper yang (rencana awalnya) bergenre 'family'.

Cerita sebelumnya:
1. Balada Cinta Udin dan Lela
2. Balada Cinta Udin dan Lela 2
3. Beras, Cabai, dan Selingkuh
4. Cinta ditolak
5. Luka yang Membawa Harapan
6. Butuh Dukungan
7. Hari terakhir ngojek

8. Titik Terang
9. Andilau

Sekarang selamat menikmati lanjutannya~

Episode 10: Happy Ending?

Udin bersiul-siul. Kelihatan banget dia lagi seneng.

"Ngapain lu siul-siul, Din? Mending lu bantuin emak angkatin jemuran sono. Emak lupa belon ngangkatin tadi sore," kata Emak.


"Ah, Emak.... Kagak liat ape Udin udah rapi begini? Masa disuru ngangkatin jemuran sih." Udin memonyong-monyongkan bibirnya. Biar seksi sekalian, tapi kayaknya gagal sih.

"Emang lu mau ke mane malem-malem pake baju rapi?"

"Aye mao ke tempat Lela, Mak. Ngapel gitu," jawab Udin sambil mesem-mesem.

"Hah? Ngepel? Ngapain lu ngepelin rumah die? Emang lu pembantunye?" Emak sewot. Masa anaknya cakep-cakep disuruh ngepel?

"Ngapel, Maaaak! Bukan ngepeeeel!" Senyum Udin langsung sirna.

"Oooh. Maap dah. Emak salah denger," kata Emak. Eh, ntar dulu! Udin mau ke rumah Lela lagi? "Lu ngapain sih Din ke sono mulu? Kaga malu ape? Die udah jelas-jelas milih Steven dibanding elu."

Sekarang Udin mulai monyongin bibir lagi. "Kaga kok, Mak. Lela udah minta maap ama aye. Katenye, die pegi ama si Steven karena disuruh babenye. Lela mah sayangnye ama aye, Mak."

Emak geleng-geleng kepala. Udin dibilangin nggak ngerti juga. Insting seorang Emak bilang kalo Lela bukanlah cewek baik-baik. Tapi Uding nggak bakal ngerti soal itu. Namanya juga dimabuk cinta.

"Din, Emak kan ude cerita ama lu. Babenye Lela itu playboy." Faseh bener Emak nyebut kata playboy. Penuh penghayatan. Udah bukan 'pleboi' lagi ngomongnya. Emak abis dikasih tau sama Mpok Sadeh, tetangga sebelah, kalo bacanya yang bener 'playboy' bukan 'pleboi'.

"Mak... Udin ngarti, Emak masih belon bisa maapin Babenye Lela gegara die pernah ngeduain Emak. Tapi Lela beda ame babenye, Mak. Udin yakin dah." Udin berusaha memberi pengertian pada Emak. Setelah Emak cerita soal kisah cinta masa lalu antara Emak dan Babenye Lela, Udin paham kenapa Emak nggak setuju hubungan Udin dan Lela. Tapi Udin juga ngerasa kalo kekasih hatinya itu nggak bakal ngeduain dia. Soal Steven bakal dia anggep nggak pernah ada.

"Hh..." Emak menghela napas. Udin emang susah dibilangin. "Ya ude, serah lu aje dah. Pokoknye kalo ada ape-ape, Emak kagak mao denger ye. Kalo lu ntar dibikin nangis-nangis gegara die, jangan lari ke Emak," pesen Emak.

"Ya elah, Mak. Masa Udin nangis-nangis. Kaga lah...."

"Lha entu saban hari siape yang sesengukan di kamar? Emang lu kate Emak kaga denger?"

Ucapan Emak bikin Udin keselek ludahnya sendiri. O-oh, Udin ketauan~

"Ehehe.... Kagak, Mak. InsyaAllah kagak lagi. Ude ah. Udin mao ngapel dulu." Udin menyalami Emak. "Assalammualaikum."

*

Beberapa minggu itu Udin riang gembira. Setiap hari berasa di padang bunga. Gimana nggak? Lelanya tersayang udah balik lagi. Bahkan sekarang Babenye Lela udah nggak antipati lagi sama Udin. Soal Steven jelas udah ke laut. Apalagi sejak tau Udin udah dapet kerja, Udin nggak pernah tuh diusir lagi sama Babenye Lela.

"Assalammualaikum, Emak aye yang cantik~" Udin pulang kerja dengan wajah semringah.

"Astaghfirullah!" Emak malah istighfar.

"Mak! Udin ngucapin salam kok malah dibales istighfar sih?" protes Udin.

"Lo kenape? Kesambet lu?"

"Dih, Emak... Kaga. Kok Udin dikira kesambet lagi sih?" Udin manyun.

"Lha abisan, tumben bener lu pake bilang emak cantik segala." Emak masih heran.

"Ehehe... Udin pan lagi seneng, Mak. Udin baru dapet gaji nih. Jadi, hari ni Udin beliin martabak buat Emak." Udin nyengir lebar, mengangkat dua kantong plastik di tangannya.

"Waah! Alhamdulillah, Din." Emak senang mendengar Udin dapat gaji pertamanya. "Tapi lu nggak perlu sering-sering beli jajanan buat Emak ama Babe lu. Duitnya mending lu tabung. Lagian ngapain sih lu beli banyak banget gini? Ampe tiga kotak. Emang sape yang mao abisin?"

"Kaga buat kite semua kok, Mak. Buat kite satu kotak. Trus yang dua mao Udin bawa buat ngapel Lela," kata Udin.

"HAH?"

"Astaghfirullah.... Emak ngagetin aye aje!" Udin mengurut dada.

"Lu yang ngagetin Emak! Lu kasih keluarga lu satu kotak, terus lu kasih keluarganye si Lela dua kotak??"

"Ya pan kalo di sini ntar kaga abis, Mak. Kalo keluarganye Lela tuh hobi banget martabak, Mak. Kalo Udin bawa satu kotak, sebentar juga udah abis," jelas Udin.

Kali ini giliran Emak yang ngurut dada sambil geleng-geleng.

"Ya udah, Mak. Aye ke rumah Lela dulu. Assalammualaikum!" Udin buru-buru ngacir membawa dua kotak martabak sebelum Emak mulai cuap-cuap lagi.

*

"Assalammualaikum, Ncang." Udin menyapa Babe Lela yang lagi duduk sambil baca koran di halaman rumahnya.

"Waalaikumussalam. Eh elo, Din. Mau ngapain?" tanya Babe Lela.

Nggak kayak biasanya, Babe Lela nggak langsung nyuruh Udin duduk. Akhirnya Udin pun berinisiatif duduk sendiri di hadapannya.

"Lela ade, Cang?"

"Udah tidur die. Emang lo mau ngapain?" tanya Babe Lela tanpa melipat korannya.

"Udah tidur, Cang?" Udin jadi kecewa. Tumben Lela udah tidur jam segini. "Ya ude, aye titip ini aje dah. Buat Lela sama Ncang." Udin memberikan dua kotak martabak itu.

"Wah! Makasi, ye! Tumben lu bawa martabak ampe dua begini." Sikap Babe Lela mendadak baik.

"Iye, Cang. Aye abis gajian soalnye." Udin mesem-mesem. Harus jaga imej di depan calon mertua.

"Oh gitu. Ya udah. Besok-besok lu ke sini lagi aje. Sekarang Lelanye kaga ade. Eh, maksud Ncang, udah tidur."

Udin mengangguk. "Iye, Cang. Besok aye balik lagi. Assalammualaikum."

"Waalaikumussalam."

Udin pun pamit. Tetapi, belum jauh dari pintu rumah Lela, Udin ngeliat sebuah mobil mendekat. Begitu mobil itu lewat, Udin ngeliat ada Lela dan seorang cowok di dalamnya. Mobil itu masuk ke pekarangan rumah Lela. Udin yang penasaran pun nggak jadi pulang, tapi mendekati mobil itu.

Dari dalam mobil, cowok yang ada di kursi pengemudi pun turun. Udin melihat cowok itu ke pintu penumpang dan membukakan pintu buat Lela. Lela pun turun sambil menggenggam tangan cowok itu. Adegan yang sering Udin liat di sinetron kesukaan Emak.

"Lela!" Udin nggak tahan buat nggak memanggil sang pujaan hati.

Lela kelihatan kaget saat tahu Udin ada di situ, tapi dia nggak melepaskan tangannya dari si cowok.

"Eh, Bang Udin. Lagi ngapain, Bang?" tanya Lela dengan nada kalem.

"Ini siape kamu, La??" Udin menunjuk si cowok. Aih, dipikir-pikir, rasanya keren. Kayak di film-film. Udin menyesal dulu nggak bersikap seperti ini waktu dia melihat Lela berdua Steven.

Tetapi, kayak di film-film juga, Lela malah mengenalkan cowok itu. "Ini, pacar aku, Bang. Kenalin, namanya Marco."

JEDEEERR!!! Petir bagai menyambar di siang--eh, malam bolong(?).

"Dia siapa, Sayang?" Si cowok yang katanya bernama Marco itu bertanya pada Lela.

"Oh, ini Bang Udin. Tetangga depan rumah, Sayang."

JEDEEEEERRRR!!! JEDEEEERR!! Petir menyambar lagi, tepat ke hati Udin. Hancur sudah hatinya. Dia cuma dianggep tetangga. Mana si Lela manggil cowok itu pake sayang-sayangan pula.

Udin marah, kecewa. Tapi nggak ada yang keluar dari mulutnya.

Tahu-tahu aja Udin udah sampai di depan rumahnya. Mukanya ditekuk. Suraaaam banget.

Jelas Emak heran setengah mati. Tadi ceria banget, sekarang kok suram banget.

"Kenape lu?" tanya Emak.

Udin menatap Emak, lalu duduk di dipan yang ada di depan rumah tanpa menjawab. Tahu anaknya sedang sedih berat, Emak masuk ke dalam rumah dan kembali dengan segelas teh.

"Nih minum. Abis itu cerita ke Emak. Lu kenape?" Emak duduk di sebelah Udin, memberikan gelas teh ke anaknya itu.

Udin meminum teh dari Emak, tapi cuma seiprit, soalnya ternyata panas banget. Akhirnya tuh gelas dia taruh di sebelahnya.

"Ternyata Emak bener, Mak.... Lela itu playgirl," kata Udin muram.

"Plei apaan?" Emak kaga paham. Emak taunye playboy doang.

"Playgirl, Mak. Kalo cowok pan playboy," jawab Udin.

"Oohh...."

"Maap ye, Mak.... Kemaren-kemaren Udin nggak percaye sama Emak. Udin kira Lela tuh beneran suka ama Udin."

Emak menepuk-nepuk punggung Udin. Maunya bilang, "Gue bilang juga apee!!", tapi rasanya kasihan.

"Din... Lu inget nih ye.... Seorang Emak cuman mau anaknye bahagia. Emak bahagia kalo lu bisa punya cewek yang baek. Kagak bakal Emak ngelarang lu ngedeketin cewek yang lu taksir kalo Emak tau ntu cewek emang cewek baek-baek. Nah, si Lela ntu, dari awal Emak kurang sreg ama die. Bukan cuman gegara babenye, tapi Emak ngerasa die emang nggak cocok ama lu," kata Emak sepelan mungkin. Emak tahu Udin lagi patah hati, jadi Emak nggak mau bikin Udin makin stress.

"Iye, Mak. Udin minta maap.... Besok-besok Udin bakal dengerin ucapan Emak deh."

"Gitu dong! Terus, martabaknye dua bungkus mane?" tanya Emak.

"Lha ude Udin kasih babenye Lela, Mak."

"Yee! Kok kagak lu minta balik?"

"Lha, Mak? Masa udah dikasih diminta balik??"

"Iyelah! Lu udah dibikin sakit ati ama die, masa lu tetep ngasih die martabak? Minta balik lah!"

"Borok sikut ntar, Mak!"

"Ya ude, minimal lu ludahin dulu gih!"

"Emak, iiiiiih!!"

Rumah Udin ribut seperti biasa. Berkat Emak, Udin nggak terlalu galau lagi. Sakitnya masih terasa di sini, tapi Udin nggak mau nangis-nangis kayak dulu lagi. Dan Udin tahu, Emak bakal selalu dukung Udin. (Babeh juga. Maap hampir lupa ye, Beh!)

"Mak, Udin ke rumah Lela dulu ye."

"Mao ngapain lagi lu?"

"Mao ngeludahin martabak...."


(THE END)

No comments:

Post a Comment